“Озод ва обод юрт келажаги – буюк давлатдир!”

    2017 йил 7 декабр куни “Спорт ўйинлари” факультетидаЎзбекистон Республикаси Конституцияси  қабул қилинган кунининг 25 йиллигини ҳамда Ўзбекистон давлат мадҳиясининг қабул қилинган кунини кенг нишонлаш мақсадида “Озод ва обод юрт келажаги – буюк давлатдир!”  мавзусида маънавий-маърифий тадбири  ўтказилди.

   Тадбирда институт ректори Ш.Исроилов сўзга чиқиб, Мамлакатимизда янги ҳаёт, янги жамият пойдеворини барпо этишда эркин фуқаро маънавиятини шакллантириш масаласи диёримизда ғоят долзарб аҳамиятга эга бўлиб келаётганлигини ва ҳаётимизнинг барча соҳаларида амалга оширалаётган кенг кўламли ислохотларимизнинг самарадорлиги аввало маънавиятимизнинг тикланиши, бой тарихий меросимизнинг чуқур ўрганилиши, анъана ва урф-одатларимизнинг сақланиши, маданият ва санъат, фан ва таълим ривожи, жамият тафаккурининг ўзгариши ва юксалиши бош қомусимиз-конституциямиз билан узвий боғлиқлиги тўғрисидаги  маърузаси ва  факультет талаба-ёшлари иштирокида ўтказилган “Заковат” интеллектуал ўйини Бош қомусимиз-Конституциямизга  бағишланди.